Այս նախաձեռնության նպատակն է Աղդամի դեպքերի մասին օբյեկտիվ տեղեկությունների տրամադրումն ու տվյալների վերլուծությունը: Այդ դեպքերի ժամանակ զոհվեցին Խոջալուի խաղաղ բնակիչները: Աղդամի դեպքերը դարձան այն հիմնական քարոզչական զենքերից մեկը, որն օգտագործում է Ադրբեջանը հայերի դեմ:
Փաստագրական նյութերի վերլուծությունը ցույց տվեց, որ ադրբեջանական կողմը մեծ քանակությամբ կեղծ նյութեր է օգտագործում, ներառյալ այլ կոնֆլիկտների կամ տարերային աղետների ժամանակ զոհված մարդկանց նկարները:
Xocali.net կայքէջը ստեղծելիս հիմնականում օգտագործվել են ադրբեջանական կողմի տրամադրած նյութերը, այդ թվում հարցազրույցներ՝ վերցված ինչպես ադրբեջանական, այնպես էլ անկախ աղբյուրներից: Հայկական նյութերը կայքում տեղադրվել են զուտ վերոհիշյալ աղբյուրներից վերցված նյութերի վերլուծության և խնդրի բազմակողմանի ուսումնասիրության համար:
Աշխատանքը այս ծրագրի շրջանակներում շարունակվում է: «Այլատյացության կանխարգելման նախաձեռնությունը» շնորհակալություն է հայտնում Հայաստանի նախագահի ադմինիստրացիային կից «Տեղեկատվության և հասարակայնության հետ կապերի կենտրոնին» ծրագրի կայացմանը աջակցելու համար:
